Пирӯзии «Истиқлол” бар «Аҳал”

Душанбе, 12.03.2015. (АМИТ “Ховар”, Ситораи Боймурод).- Дастаи «Истиқлол”-и Душанбе, қаҳрамони Тоҷикистон, дар даври дувуми сабқати гурӯҳии Ҷоми AFC-2015 бар дастаи «Аҳал”, барандаи Ҷоми Туркманистон–2014 пирӯз шуд. Ин бозии сабқати гурӯҳи «С” дирӯз 11-уми март, дар варзишгоҳи «Ашқобод»-и пойтахти Туркманистон ба поён расид. 
Тавре ки дар ин бора Кумитаи миллии олимпии кишвар хабар додааст, «Истиқлол” дар Ҷоми АФК-2015 дар гурӯҳи «С” бо тимҳои «Ал-Қодсия”-и Кувайт, «Эрбил”-и Ироқ ва «Аҳал”-и Туркманистон рақобат мекунад. Бозиҳои ин гурӯҳ то 13-уми майи соли равон идома хоҳанд кард.