Рақибони тими мунтахаби ҷавонони кишвар муайян шуданд
Душанбе, 17.03.2015. (АМИТ “Ховар”, Ситораи Боймурод).- Рақибони тими мунтахаби наврасони футболи Тоҷикистон (U-15) дар мусобиқаи байналмилалии «Sport for Tomorrow Japan-Central Asia U-15 Football Exchange Programme», ки аз 25-ум то 29-уми марти соли равон дар Осакаи Ҷопон баргузор мегардад, маълум шуданд.
Тавре ки дар ин бора Кумитаи миллии олимпии кишвар хабар додааст, аз рӯи натиҷаи қуръакашӣ тими мунтахаби Тоҷикистон дар гурӯҳи «А» бо дастаҳои Қирғизистон, Туркманистон, инчунин Академияи Ассотсиатсияи футболи Ҷопон ва КФ «Токио» бозӣ мекунад. Ба гурӯҳи «В» дастаҳои мунтахаби Ӯзбекистон, Афғонистон, Эрон, Ҷопон, инчунин дастаи ҷопонии «Киото Санга» дохиланд.
Гуфта мешавад, ки футболбозони навраси тоҷик бо роҳбарии Зайниддин Раҳимов нахустин бозиро 25-уми март бо дастаи наврасони«Токио» анҷом медиҳанд. Дар ин рӯз, инчунин футболбозони тоҷик бо ҳамсолонашон аз Академияи Ассотсиатсияи футболи Ҷопон рақобат мекунанд.
Рӯзи 26-уми март тими мунтахаби наврасони Тоҷикистон бо дастаи Қирғизистон вориди рақобат хоҳад шуд. Бозии охирини даври гурӯҳиро тими мунтахаби Тоҷикистон рӯзи 27-уми март бо дастаи Туркманистон анҷом медиҳад
Бар асоси дастури мусобиқа бозиҳои даври гурӯҳӣ аз як давра иборатанд. Ҳар як бозӣ 60 дақиқа (ду қисми 30-дақақаӣ) идома мекунад. Аз рӯи натиҷаи даври пешакӣ ғолибони гурӯҳҳо ба бозии ниҳоӣ роҳ меёбанд. Дастаҳое, ки ҷойҳои дувумро мегиранд, барои медалҳои биринҷӣ талош хоҳанд кард. Дастаҳои дигар барои ҷойҳои баъдӣ бо ҳам рақобат мекунанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






