Таҷлили Рӯзи Модар дар Кўлоб

Кӯлоб, 06.03.2015. ( АМИТ «Ховар», Фарҳоди Мадамин).-Як ҳафта аст, ки иди бонувон тибқи нақшаи бахши кор бо занон ва оилаи мақомоти иҷроияи ҳоимияти давлатии шаҳри Кўлоб барои тадбиқи сиёсати давлатӣ ҷиҳати баланд бардоштани нақши зан  ва оила  бо унвони «Модар -сарчашмаи зиндагонист» дар муассисаҳои таълимӣ ва дигар ташкиотҳои зертобеи ҳукумати шаҳр чорабиниҳоро бо номҳо  «Шукуфаҳои баҳор», «Кадбонуи беҳтарин, «Бонуи ҳунар»доир намуда  истодааст. 
Ҷиҳати хубу гуворо гузаштани ид аз тарафи ҳукумати шаҳр комиссияи тадорукотӣ таъсис гардид. .Бахши кор бо занон ва оила аз аҳволи модарони барҷомонда, дардманд ва куҳансол хабар гирифта, ба онҳо кумакҳои моддӣ ва ғизоӣ расонид. 
Зикр шуд, ки 6 март дар Театри мусиқӣ-мазҳакавии ба номи С.Вализода  чорабинии мазкур ҷамъбаст гардида, ба фаъолзанон ва беҳтаринҳои озмунҳо туҳфаҳои хотиравӣ ва ифтихорномаҳо    тақдим мешаванд.