Таъсиси 2012 ҷойи кор дар як моҳ

Душанбе, 3.03.2015. (АМИТ «Ховар», Мавҷуда Анварӣ).-Дар як моҳи гузашта дар шаҳру ноҳияҳои вилояти Хатлон 2012 ҷойи нав ва барқароршудаи корӣ ташкил шуд, ки 1477 ҷойи он марбут ба бахши хусусист. Аз ин миён 521 ҷойи кор доимӣ, 162 ҷойи кор мавсимӣ ва 1329 ҷойи кор муваққатӣ мебошад. Дар моҳи гузашта аз ҷониби Агентии меҳнат ва шуғли аҳолӣ дар шаҳру ноҳияҳо 257 шаҳрванди бекор ройгон ба касбомӯзӣ фаро гирифта шуд.
Ин ҳам дар ҳолест, ки дар моҳи январи соли равон ба раёсат ва шуъбаҳои Агентии меҳнат ва шуғли аҳолӣ дар шаҳру ноҳияҳои вилоят 2379 шахси бекор муроҷиат намуда, ба 1392 нафари онҳо мақоми бекорӣ дода шудааст. 
Оид ба иҷрои нишондиҳандаҳои барномавӣ дар самти мусоидат ва бо кор таъмин намудани аҳолии бешуғл, мутобиқи дархости кордиҳандагон 681 нафар бекор бо ҷойи кори доимӣ таъмин гардид.