Тренинг барои кормандони мақомоти ҳифзи ҳуқуқ

Душанбе, 17.03.2015. (АМИТ «Ховар», Мавҷуда Анварӣ).- Тибқи қароре, ки дар вохӯрии гурӯҳи кории роҳбарони ҷузъу томҳои иттилоотӣ-таҳлилии мақомоти ҳифзи ҳуқуқ ва сохторҳои қудратии Тоҷикистон дар моҳи январи соли ҷорӣ дар агентӣ қабул шуда буд, 16 март дар заминаи Маркази таълимии Агентии назорати маводи нашъаовар тренинги чоррӯза барои кормандони шуъбаҳои таҳлилии агентӣ, ВКД, КДАМ, СҚС КДАМ ва Хадамоти гумрук нисбат ба омода сохтани маводи оморӣ ва ҳисобот аз рӯи натиҷаи мубориза бар зидди муомилоти ғайриқонунии маводи нашъаовар оғоз гардид.
Дар тренинг кормандони ҷузъу томҳои таҳлилӣ имкониятҳои асосии барномаҳои компютерии MS Excel, Intellect, IBM i2 iBase-ро дар коркарди маводи омории вобаста ба муомилоти ғайриқонунии маводи нашъаовар меомӯзанд.
Инчунин машғулиятҳои интерактивӣ бо техникаи компютерӣ гузаронида мешаванд.