Убайдуллоев ба саволҳои нозирони байналмилалӣ посух гуфт
Душанбе, 01.03.2015.(АМИТ «Ховар», Марзия Саидзода).- Раиси Маҷлиси миллӣ Маҳмадсаид Убайдуллоев ҳайати нозирони байналмилалӣ аз Парлумони Аврупоро, ки таҳти роҳбарии Норберт Нойзер ба Тоҷикистон омадаанд, ба ҳузур пазируфт.
М. Убайдуллоев ташрифи ҳайати нозиронро, ки ҷараёни баргузории интихоботи парлумониро мушоҳида мекунад, нек арзёбӣ карда, саҳми Иттиҳоди Аврупо ва Парлумони онро дар татбиқи барномаҳои муштараки байнипарлумонӣ ва давлатӣ махсус таъкид намуд.
Дар вохӯрӣ раиси Маҷлиси миллӣ ба саволҳои ҳайати нозирони байналмилалӣ, ки фарогири масоили марбут ба интихоботи парлумонӣ, институти қонунгузории кишвар, амнияти минтақаву Афғонистон ва тавсеаи робитаҳои мутақобила бо Иттиҳод ва Парлумони Аврупо буданд, посухҳои мушаххас дод.
Норберт Нойзер гуфт, ки риоя ва эҳтироми Тоҷикистон ба арзишҳои демократӣ, ҳуқуқу озодиҳои инсон ва шаҳрванд шоистаи дастгирист ва раванди баргузории интихоботи парлумонӣ метавонад онро собит намояд.
Ҳамзамон 28 феврал М. Убайдуллоев ҳайати бонуфузи нозирони байналмилалӣ аз Ассамблеяи Байнипарлумонии Иттиҳоди Давлатҳои Мустақил таҳти роҳбарии Андрей Наумович -раиси Комиссияи доимии Палатаи намоядагони Маҷлиси миллии Ҷумҳурии Беларусро ба ҳузур пазируфт.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






