Убайдуллоев боз раиси Маҷлиси Миллӣ мешавад?

 
Душанбе, 13.03.2015.(АМИТ «Ховар», Марзия Саидзода).-Дар нахустин иҷлосияи шаҳрӣ, ки имрӯз дар Душанбе баргузор гардид, раиси шаҳри Душанбе Маҳмадсаид Убайдуллоев раиси Маҷлиси вакилони халқи шаҳри Душанбе интихоб гардида, инчунин аз ҷониби вакилони шаҳрӣ ҳамчун номзад ба узвияти Маҷлиси миллии Маҷлиси Олии ҷумҳурӣ пешниҳод гардидааст.
      Мавриди зикр аст, ки Маҷлиси миллӣ -палатаи болоии Парлумони Тоҷикистон 33 аъзо дошта, 25 нафараш тавассути интихоботи маҷлисҳои маҳаллӣ ва 8 нафар бо Фармони Президенти кишвар таъйин  мешаванд. Инчунин Президенти нахустини Тоҷикистон Қаҳҳор Маҳкамов узви доимии ин палата мебошад. Тибқи Фармони Президенти кишвар охири моҳи марти соли равон интихоботи Маҷлиси миллӣ баргузор мегардад.