Вакилони нав ба қонуни буҷет тағийру илова ворид менамоянд

         Душанбе, 18.03.2015.(АМИТ „Ховар“, Марзия Саидзода).- Дар нимаи дуюми имрӯз дар Душанбе таҳти  раёсати раиси Маҷлиси намояндагони Маҷлиси Олии Ҷумҳурии Тоҷикистон  Шукурҷон Зуҳуров ҷаласаи нахустини Шӯрои палатаи поёнии Парлумони мамлакат доир мегардад. 
    Муҳаммадато Султонов ба АМИТ „Ховар“ иттилоъ дод, ки дар ҷаласаи нахустини Шӯро интизор меравад, ки лоиҳаи қонунҳои Ҷумҳурии Тоҷикистон «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2015», «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи рӯзҳои ид», «Оид ба ворид намудани илова ба Қонуни Ҷумҳурии Тоҷикистон «Дар бораи суғуртаи мутақобила», «Дар бораи ворид намудани тағйиру иловаҳо ба Кодекси мурофиаи ҳуқуқвайронкунии маъмурии Ҷумҳурии Тоҷикистон» ва  Созишнома оид ба ҳамкории давлатҳои аъзои Иттиҳоди Давлатҳои Мустақил дар соҳаи таъмини амнияти иттилоотиро баррасӣ менамоянд.