Қатли беш аз 7 000 нафар дар Нигерия

Апрель 1, 2015 12:20

Душанбе,1.04.2015. (АМИТ «Ховар».-Иброҳими Ҳабибуллоҳ).-  Тибқи иттилои  Созмони Милали Муттаҳид аз оғози нооромиҳо то инҷониб дар Нигерия беш аз 7 ҳазору 300 нафар сокини осоишта дар пайи ҳамлаю амалҳои террористии ҷангиёни гурӯҳи «Боко Ҳарам» ба ҳалокат расидааст.  Гуфтан ба маврид аст, ки  аз соли 2009-ум то ҳол 1,5 миллион нафар сокини Нигерия бо эътино ба авзои мураккаби сиёсию иҷтимоӣ тарки манзил гуфтанд.
 
     Душанбе,1.04.2015. (АМИТ «Ховар»).-Дирӯз дар шаҳри Аякучои қисми ҷанубии Перу садамаи нохуши нақлиётӣ ба амал омада, дар ҷои ҳодиса 10 нафар ба ҳалокат расида, 20 тани дигар бо ҷароҳатҳои гуногуни ҷисмонӣ бистарии беморхона гардид. Гуфта мешавад, ки дар миёни ҳалокшудагон занону кӯдакон низ мебошанд. 
 
    Душанбе,1.04.2015. (АМИТ «Ховар»).-Мувофиқи иттилои шабакаи шабакаи телевизионии «Ал-Ҷазира» шаби гузашта дар шаҳри Деръаи қисми шарқии Сурия таркиши мудҳиш ба амал омада,дар ҷои  ҳодиса 10 нафар ба ҳалокат расида, чанд тани дигар маҷрӯҳ шуданд. Гуфта мешавад, ки ҷинояткорони номаълум мошини ҳомили таҷҳизоти таркандаро дар наздикии яке аз марказҳои тиҷоратӣ кишвар мунфаҷир намудаанд. Кормандони мақомоти ҳифзи ҳуқуқ барои муайян намудани омилони таркиш тафтишот мебаранд.
 
  Душанбе,1.04.2015. (АМИТ «Ховар»).-Дар музофоти Сием-Рипи Камбоҷа дар мудати як рӯз 800 нафар аз истеъмоли як навъи хӯриши бодиринг  заҳролуд гардид. Гуфта мешавад, ки  заҳролудшудагон аз дилбеҳузурӣ, дарди сар ва қабзи меъда шикоят менамуданд. Дар айни замон дар беморхонаи марказӣ  танҳо 120 нафар таҳти назорати табибон қарор дорад. Ба гуфти расонаҳои хабарии  дохили кишвар  ғизовориро ҷавонон ба тариқи ройгон ба сокинон тақсим кардаанд. Тибқи иттилои роҳбари маъмурияти маҳаллӣ сабаби дақиқи сар задани ҳодиса баъди тафтишот маълум мешавад.
 
 

Апрель 1, 2015 12:20

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд