Ҳамла ба прокурори генералӣ
Душанбе,10.04.2015. (АМИТ «Ховар».-Иброҳими Ҳабибуллоҳ).- Бегоҳи гузашта як гурӯҳ силоҳбадастони «Толибон» ба бинои прокуратураи генералии шаҳри Мазори Шарифи Ҷумҳурии Исломии Афғонистон ҳамла оварданд. Дар ҷои ҳодиса 10 нафар ба ҳалокат расида, 60 тани дигар захм бардошт. Бояд гуфт ки задухӯрд миёни ҳамлагарон ва кормандони воҳидҳои низомии Афғонистон 9 соат тӯл кашидааст. Дар пайи тирпарронии мутақобила ҳамаи ҳамлагарон кушта шуданд. Дар ин иттифоқот ба прокурори генералӣ осебе нарасидааст.
Душанбе,10.04.2015. (АМИТ «Ховар»).- Ҷангиёни гурӯҳи “Давлати исломӣ” ба зарбаҳои пай дар пайи неруҳои низомии Ироқ тоб наоварда, чоҳҳои истихроҷи нафтро дар нуқтаи маъмурии Ҳирмин ва Аҷил, ки сарчашмаи асосии даромади онҳо буд, аз даст доданд. Вале чоҳи Қайараро то ҳол дар тасарруфи худ нигоҳ медоранд. Мувофиқи иттилои мутахассисон аз ин нуқтаи истихроҷ дар як рӯз то 2 ҳазор баррел нафт истеҳсол мешавад.
Душанбе,10.04.2015. (АМИТ «Ховар»).- Мувофиқи иттилои намояндаи мақомоти маҳаллии Вазорати ҳолатҳои фавқулодаи Федератсияи Русия ҷасади 15 нафареро, ки бар асари садамаи киштии мусофиркашонии «Шарқи Дур» ба амал омад, аз макони ҳодиса тавассути ҳавопаймои махсус ба шаҳри Владивосток таҳвил доданд. Ёдовар мешавем, ки киштии мусофиркашонии «Шарки Дур» дар обҳои баҳри Охотск мувоҷеҳи шикаст гардид. Оид ба муайян намудани сабабҳои асосии ғарқшавии сафинаи ҳомили мусофирон кормандони ниҳоди зидахл тафтишоти густурдаро ба роҳ мондаанд.
Душанбе,10.04.2015. (АМИТ «Ховар»).- Мувофиқи иттилои расонаҳои хабарии дохилии Иёлоти Муттаҳидаи Амрико аз сабаби боришоти пай дар паи борон дар қисми шимолу шарқии Амрико оби дарёҳо баланд гардида, ба минтақаҳои аҳолинишин ҷорӣ шуд. Бар асари боришот аҳолӣ ва хоҷагии халқи қисми шимолу шарқии Амрико ба мушкилоти зиёд рӯ ба рӯ гардид. Баландии сатҳи об дар баъзе маҳалҳо то ба як метр мерасад. Дар робита ба ҳолати ба амал омада, ҳаракати воситаҳои нақлиёт қатъ гардид. То ҳол дар бораи оқибатҳои офати табиӣ маълумоти муфассал дастрас нагардидааст.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






