Ҳофизони Қуръони карим дар Душанбе ҷамъ меоянд

Апрель 22, 2015 15:22

              Душанбе, 22.04.2015.(АМИТ «Ховар», Марзия Саидзода).- Озмуни ҷумҳуриявии  «Ҳифз ва қироати  Қуръони карим» аз 1 то 4 майи соли равон дар Донишкадаи исломии Тоҷикистон ба номи Имоми Аъзам баргузор мегардад. 
                Кобилҷон Ҷалилов-мудири бахши равобити хориҷии Донишкадаи исломии Тоҷикистон дар суҳбат ба хабарнигори  АМИТ «Ховар» гуфт, ки озмуни мазкур таҳти сарпарастии Президенти кишвар Эмомалӣ Раҳмон доир гардида, дар он шаҳрвандоне, ки синнашон аз 25 поён аст, ҳуқуқи иштирок карданро доранд. 
                Озмун дар  риштаҳои ҳифзи кулли Қуръони карим бо риояи таҷвиду тафсири сураи “Бақара” ва “Оли Имрон”, ҳифзи кулли Қуръони карим бо зикри номи сураву рақами оят ва саҳифа, ҳифзи кулли Қуръони карим ва  тафсири сураи «Нисо», «Моида»,   «Анъо»,  ҳифзи Қуръон бо  матни “Чиҳил ҳадис”-и Имом Нававӣ, ҳифзи 20 пораи Қуръони карим бо риояи таҷвид баргузор мегардад.  
            Қобилҷон Ҷалилов афзуд, ки хоҳишмандон метавонанд, ҳуҷаттҳои худро то рӯзи 30 апрел ба Донишкадаи исломӣ пешниҳод кунанд.  Ғолибони озмун бо туҳфаҳои хотиравию молӣ  сарфароз гардонида мешаванд. Инчунин 6 — 7 май дар Маркази равобити «Пойтахт» даври  ниҳоии озмун баргузор мешавад, ки дар он ғолибон иштирок хоҳанд кард.  
 
 

Апрель 22, 2015 15:22

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд