Ҷаласаи Кумитаи ҳарбии СААД дар Душанбе

Душанбе, 08.04.2015. (АМИТ “Ховар”,Сайидо Назаров ).- 8 ва 9 апрел бо роҳбарии раиси Кумитаи ҳарбӣ, сардори Ситоди кулли Қувваҳои Мусаллаҳи Ҷумҳурии Тоҷикистон — муовини аввали вазири мудофиаи Тоҷикистон Шарифзода Зариф Тоҳирӣ ҷаласаи Кумитаи ҳарбии Созмони Аҳдномаи амнияти дастаҷамъӣ баргузор мегардад.
Дар ҷаласа муовини Дабири кулли СААД Валерий Семериков сухан мекунад.
Иштирокдорони ҷаласа ситезаҷӯӣ  ва хавфу хатар ба амнияти ҳарбии манотиқи амнияти дастаҷамъиро таҳлил ва роҳҳои алайҳи онҳо дидани чораҳои заруриро муайян мекунанд.
Ҷаласаи Кумитаи ҳарбӣ дар арафаи иҷлосияи мақомоти расмии  СААД, ки бояд  моҳи майи соли ҷорӣ доир гардад, баргузор мешавад.
Ёдовар мешавем ки Кумитаи ҳарбӣ дар назди Шӯрои вазирони мудофиаи давлатҳои узви СААД таъсис ёфта, ба он сардорони ситодҳои генералии давлатҳои узви СААД ва сардори Ситоди муттаҳидаи он шомиланд.