Б. Сафаров- раиси фраксияи ҲХДТ дар Парлумон
Душанбе, 15.04.2015.(АМИТ «Ховар», Марзия Саидзода).-Дар Маҷлиси намояндагони Маҷлиси Олии Ҷумҳурии Тоҷикистон 15 апрел ду фраксияи аҳзоби сиёсии кишвар — фраксияи Ҳизби Халқии Демократии Тоҷикистон /ҲХДТ/ ва Ҳизби Аграрии Тоҷикистон/ҲАТ/ созмон дода шуд. Фраксияи ҲХДТ 43 вакилро дар худ муттаҳид намуда, Бахтовар Сафаров, ки яке аз ҷавонтарин вакилони палатаи поёнии Парлумони мамлакат маҳсуб меёбад, раиси фраксияи ҲХДТ дар Маҷлиси намояндагон интихоб шуд. Бахтовар Сафаров 32 сол дошта, номзади илмҳои ҳуқуқшиносист ва то вакил интихоб шуданаш дар вазифаи ноиби ректори Донишгоҳи Миллии Тоҷикистон фаъолият дошт.
Ба ҳайати фраксияи ҲАТ 5 вакил шомил гардида, Толиббек Бухориев, ки яке аз донишмандони шинохтаи бахши кишоварзии кишвар- доктори илмҳои кишоварзист, раиси фраксияи ҲАТ дар Маҷлиси намояндагон интихоб гардид.
Инчунин дар Маҷлиси намояндагон гурӯҳи вакилони ғайриҳизбӣ созмон дода шуд. Дар гурӯҳи вакилони бидуни ҳизбият 8 нафар вакил шомил гардида, онҳо асосан ҳуқуқшиносон ва собиқ кормандони мақомоти ҳифзи ҳуқуқ ва тартиботи кишваранд. Раисии гурӯҳи вакилони ғайриҳизбиро дар Парлумони мамлакат вакил аз Конибодом Равшан Раҷабов ба уҳда гирифт. Мавсуф номзади илмҳои ҳуқуқшиносӣ буда, дар сохтори Вазорати корҳои дохилии ҷумҳурӣ фаъолият кардааст.
Имрӯз дар шаҳри Душанбе ҳаво то 26 дараҷа гарм мешавад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
