Баррасии сохтори бонкдорӣ дар Тоҷикистон
Душанбе, 21.04.2015. (АМИТ «Ховар», Раъно Нусратуллозода).- Маҳфили навбатии илмӣ-амалии «Коршиноси иқтисодӣ», ки ҳафтаи гузашта дар Донишкадаи молия ва иқтисоди Тоҷикистон доир гардид, ба масъалаҳои сохтори бонкдорӣ ва муаммоҳои он дар Тоҷикистон бахшида шуд.
Ба иттилои котиби маҳфили «Коршиноси иқтисодӣ» Саъдихоҷа Маъдиев, ректори донишкада Ашурбой Солиев таваҷҷуҳи ҳозиринро барои истифода бурдан аз таҷрибаи бойи коршиносон ва мутахассисон дар робитаи зич бо сиёсати давлатии таъмини кори самараноки бонк ва бонкдорӣ, васеъ пеш гирифтан ва сафарбар карда тавонистани воситаҳои нави техника ва технологияҳо дар амалиёт ва хизматрасониҳои бонкӣ ҷалб намуд.
Дар маҳфил маърузаи аудитори Хадамоти аудитии ҶСК «Агроинвестбонк» Назар Хушов дар мавзўи «Сохтори бонкдорӣ ва муаммоҳои он дар Тоҷикистон» шунида шуд, ки дар ҷараёни он байни ҳозирин саволу ҷавоб ва музокирот ба амал омад.
Тавре ки Назар Хушов иброз дошт, ҳадафҳои асосии сиёсати молиявии давлатии кишвар- ин дарёфти имкониятҳои таъмини субъектҳои хоҷагӣ бо хизматрасонии замонавии бонкӣ мебошад. Мавсуф бо назардошти вазъи нисбатан номуътадили муносибатҳои иқтисодии замони муосир, тағйирёбии таносуби имкониятҳои захиравии молию пулӣ равандҳои ташаккул ёфтани сохтори бонкдориро дар кишвар дида баромад. Ин ҷиҳатҳо аз ҳисоби беҳтар гардонидани вазъи идораи дороиҳои бонкӣ, хавфҳо, нокифоя будани сармояи бонкӣ баҳодиҳӣ гардиданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






