Боздиди Қоҳир Расулзода аз ноҳияи Ҳисор
Душанбе, 24.04.2015. (АМИТ «Ховар», Фарзонаи Давлат).-Имрўз Сарвазири мамлакат Қоҳир Расулзода дар деҳаи Сангчашмаи ноҳияи Ҳисор дар расми ифтитоҳи мактаби нави таҳсилоти миёнаи умумӣ иштирок кард. Бо дастури Президенти Ҷумҳурии Тоҷикистон мактаби нав дар ин деҳа тавассути ҳамкории Ҳукумати Ҷумҳурии Тоҷикистон бо ташкилотҳои молиявии ҷаҳонӣ бунёд гардида, дар ду баст барои 650 хонанда пешбинӣ гардидааст. Сохтмони ин мактаб моҳи марти соли 2013 оғоз гардида, бо харҷи наздик ба 2 миллион доллари амрикоӣ ба анҷом расонида шуд.
Дар идомаи сафар ба ноҳияи Ҳисор Сарвазири мамлакат ва ҳайати ҳукумат бо ҷараёни сохтмони иншооти ҷашнӣ дар ноҳия шинос шуд.
Тавре ки аён гардид, корҳои омодагӣ ба таҷлили ҷашни 3000- солагии Ҳисор, хусусан сохтмон, таъмир ва навсозии иншооти хурду бузурги таъйиноти гуногун, аз қабили роҳу пулҳо, зеристгоҳҳои барқӣ, варзишгоҳи марказии ноҳия, мактаби президентӣ, чойхона, қасри фарҳанг, китобхона, осорхона ва мамнуъгоҳи таърихию фарҳангии қалъаи Ҳисор мувофиқи нақша идома дошта, дар марҳилаи анҷомёбӣ қарор доранд. Зимни шиносоӣ таваҷҷуҳи асосӣ ба масъалаи сифати корҳои сохтмонӣ, бартараф намудани камбудиҳои корҳо, азхудкунии маблағҳои ҷудогардида, таъмини иншоот бо об ва неруи барқ, вусъати корҳои ободонӣ ва хуррамгардонӣ зоҳир шуд.
Натиҷаҳои шиносоӣ бо корҳои омодагӣ, сохтмон ва навсозии иншоот дар ситоди корӣ бо иштироки аъзои кумитаи тадорукот баррасӣ шуданд. Ҷиҳати таъмини иҷрои саривақтии дастуру супоришҳои Президенти Ҷумҳурии Тоҷикистон оид ба омодагӣ ва таҷлили сазовор аз ҷашни 3000-солагии Ҳисор аъзои кумитаи тадорукот ва дигар шахсони масъул вазифадор шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






