Дар бархе кӯчаҳои пойтахт об қатъ мешавад

                   Душанбе, 10.04.2015.(АМИТ «Ховар», Марзия Саидзода).- Шаҳрдории Душанбе иттилоъ медиҳад аз соати 8:00-и 14 апрел то соати 8:00-и 15 апрели соли равон интиқоли оби нӯшокӣ дар бархе аз маҳаллаҳои аҳолинишини ноҳияи Исмоили Сомонии пойтахт- кӯчаҳои Ҳ.Ҳакимзода, З.Нозим, Лутфӣ, Темурмалик, Охунбобоев, Гулистон, П.Толис, Ҳамзалиев, Ҳазора, М.Осимӣ ва Куприн қатъ мешавад.
           Муваққатан қатъ намудани об дар ин кӯчаҳо ба насби  қубури Ш=300мм дар кӯчаи Гагарин рабт дода мешавад. Дар робита ба ин шаҳрдории Душанбе аз сокинони кӯчаҳои мазкур хоҳиш менамояд, ки барои як шабонарӯз оби нӯшокӣ захира намоянд.