Дар Суғд корхонаи гидрометаллургӣ бунёд мешавад

Душанбе,22.04.2015 (АМИТ «Ховар» Кристина  Эрлих ).-  21 апрел  вазири  саноат  ва  технологияҳои  наи Тоҷикистон  Шавкат Бобозода  ва ноиби президенти ширкати Zijjin Mining Group Co.Ltd Чен Жен Хе  масоили  дар  вилояти  Суғд  сохтани  корхонаи  гидрометаллургӣ  ва  натоиҷи фаъолияти  корхонаи  муштараки «Зарафшон»  тайи  соли  2014 —  ро  мухокима  намуданд.
Тавре, ки Вазорати  саноат  ва  технологияҳои   наи ҶТ  хабар  медиҳад, ҷонибҳо  ҳамчунин  рушди  корхонаи  истихроҷи  тиллои «Зарафшон» -и Тоҷикистону   Чинро  мавриди  баррасӣ  қарор доданд.
Барои  бунёди  корхонаи  гидрометаллургӣ  100  мл доллари ИМА сарф  мешавад. Ҷонибҳо  масоили  ҷалби  сармояҳо  барои  рушди  корхонаи  мазкур  ва  тақсими  даромади  корхонаи муштараки «Зарафшон» — ро  низ  таҷдиди назар карданд.
Қобили зикр аст, ки  корхонаи  муштараки  «Зарафшон»  яке  аз  корхонахои   калонтарини  Тоҷикистон  аз  нигоҳи истихроҷи тилло  маҳсуб меёбад.
Корхонаи  мазкур соли 2014 — ум 2 тонна тилло,  200 келограм  нуқра  ва 350 тонна маъдани  мис  истеҳсол  намуд, ки  маблағи  умумии  он 431 милиону 700 ҳазор сомониро ташкил медиҳад.