Донишҷӯдухтарони ДДХ- ғолиби мусобиқаи волейбол

Душанбе,25.04.2015. (АМИТ ”Ховар”, Рафоати Абдулҳамид).- Бо ташаббус ва иқдоми Раёсати ҷавонон, варзиш ва сайёҳии вилояти Суғд дар толори мактаби №23- и шаҳри Хуҷанд марҳилаи дуюми мусобиқаи вилоятӣ аз рӯи намуди васкетбол байни донишҷӯдухтарони макотиби олии вилояти Суғд баргузор гардид.
Ба иттилои  Хадамоти матбуоти раиси вилояти Суғд  дар мусобиқаи мазкур варзишгарони чор донишгоҳ — Донишгоҳи давлатии Хуҷанд ба номи академик Бобоҷон Ғафуров, Донишгоҳи давлатии ҳуқуқ, бизнес ва сиёсати Тоҷикистон, Донишкадаи иқтисод ва савдои ДДТТ, ва Донишкадаи политехникии ДТТ  ба номи Муҳаммад Осимӣ ширкат варзиданд.
Дар натиҷа дастаи Донишгоҳи давлатии Хуҷанд ба номи академик Бобоҷон Ғафуров ғолиби мусобиқа шуд.