“Фараж” — ғолиби мусобиқаи волейбол миёни кормандони ВАО
Душанбе, 14.04.2015 (АМИТ «Ховар», Фарзонаи Давлат).- Бо дастгирии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон аз 10-ум то14-уми апрели соли равон ба ифтихори 85-солагии рӯзномаи “Ҷавонони Тоҷикистон” мусобиқаи кушоди ҷумҳуриявӣ оид ба волейбол миёни кормандони воситаҳои ахбори омма доир гардид.
Ба иттилои Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ, имрӯз даври ниҳоии мусобиқа баргузор шуд. Барои ҷои сеюм тимҳои “Озодагон” ва “Тоҷикистон” ва барои ҷои аввал “Ҷаҳоннамо” ва “Фараж” бо ҳам рақобат карданд.
Гуфта мешавад, бо сабаби ба бозӣ ҳозир нашудани тими “Тоҷикистон” “Озодагон” ғолиб дониста шуда, соҳиби ҷои сеюм гардид. Барои ҷои аввал дастаи “Фараж”/ “Чашма” бо “Ҷаҳоннамо” рақобат карданд. Ин ду даста дар даври гурӯҳӣ низ вохӯрда буданд ва “Фараж” ғолиб шуд. Дар даври ниҳоӣ низ волейболбозон — кормандони “Фараж”/ “Чашма” бартарӣ нишон дода, пирӯз гаштанд. Баъди бозӣ маросими расмии ҷамъбасти мусобиқа доир гашта, намояндагони Кумитаи ҷавонон, варзиш ва сайёҳӣ ба ғолибон медалҳо ва ҷом супориданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






