Хадамоти гумрук: «Воридот коҳиш ёфтааст»
Душанбе, 29.04.2015.(АМИТ «Ховар», Марзия Саидзода).- Гардиши тиҷорати хориҷии Тоҷикистон дар зарфи се моҳи соли равон 965,7 миллион $ -ро ташкил дод, ки он нисбат ба ҳамин давраи соли гузашта 121,4 миллион $ кам буда, 88,8 %-ро ташкил медиҳад.
Маркази матбуоти Хадамоти гумруки кишвар иттилоъ медиҳад, ки аз маблағи умумии гардиши тиҷорати хориҷӣ 751,8 миллион $ ба воридот ва 213,9 миллион $ ба содирот рост меояд, ки дар қиёс ба соли 2014 воридот 146,1 миллион $ коҳиш ёфта, содирот 24,7 миллион $ зиёд гардидааст.
Ба дӯши давлатҳои хориҷаи дур 490,6 млн. доллар маблағи умумии гардиши тиҷорати хориҷии Тоҷикистон рост меояд, ки нисбат ба ҳамин давраи соли гузашта 47,5 миллион $ ё 8,8% кам гардидааст. Содирот ба маблағи 25 миллион $ зиёд ва воридот ба маблағи 72,5 миллион $ кам гардида, мутаносибан 160,2 млн. $ ва 330,4 млн $-ро ташкил намудаанд.
Дар ин муддат аз Тоҷикистон ба хориҷи кишвар ба маблағи 45,2 миллион $ алюминии аввалия, 37,8 миллион $ нахи пахта ва 4,1 миллион $ меваю сабзавот содирот гардид. Ба Тоҷикистон аз хориҷа ба маблағи 109,5 миллион $ маҳсулоти нафтӣ, 39,1 миллион $ гази моеъ, 27,9 миллион $ воситаҳои нақлиёти сабукрав, 20,5 миллион $ глинозем, 49,8 миллион $ гандум, 16,6 миллион $ равғани растанӣ, 16 миллион $ шакар, 13,5 миллион $ орд, 4,8 миллион $ семент ва ба маблағи 3,8 миллион $ нуриҳои минералӣ ворид шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






