Хароб гардидани 3 ҳавзи моҳидорӣ

      Душанбе, 3.04.2015.(АМИТ  «Ховар», Лайло Тоирӣ).-  2 апрели соли равон  соати 03:15 дақиқа, дар натиҷаи боронҳои пай дар пайи рўзҳои 1-2 апрел дар деҳаи Туғайи ҷамоати деҳоти Миралӣ Маҳмадалии ноҳияи Восеъ сатҳи оби дарёи Сурхоб баланд гардида, соҳилро рахна намуд.
         Бино ба иттилои хадамоти матбуоти Кумитаи ҳолатҳои фавқулода ва мудофиаи гражданӣ, дар натиҷаи ҳодисаи мазкур 20 га замини ғалладона ва 3 ҳавзи моҳидорӣ хароб  гардид.
          Дар айни ҳол комиссия оид ба ҳолатҳои фавқулодаи ноҳия фаъолият дошта, маълумоти иловагӣ пешниҳод мегардад.