Хуҷанд: «Фарҳанги миллӣ ва ҷойи дин дар он»

Душанбе, 23.04.2015. (АМИТ “Ховар”, Рафоати Абдулҳамид).- Тавре ки  Хадамоти матбуоти раиси вилояти Суғд хабар додааст, дар Донишгоҳи давлатии Хуҷанд ба номи академик Бобоҷон Ғафуров мизи мудаввар таҳти унвони «Дин ва ҷомеа» баргузор гардид.
Дар маҳфил раиси Шӯрои уламои Маркази исломии Тоҷикистон Саидмукаррам Абдуқодирзода, мудири шуъба оид ба корҳои дин,  танзими анъана ва ҷашну маросимҳои миллии Мақомоти иҷроии ҳокимияти давлатии вилояти Суғд Абдуҳаким Шарифов, роҳбари Раёсати кор бо занон ва оилаи вилоят Нодира Мирзозода, раиси Шӯрои уламои дини вилоят Ҳоҷӣ Ҳусайн Мӯсозода, намояндагони мақомоти ҳифзи ҳуқуқ ва тартибот, коршиносони дохилӣ, ҳуқуқшиносон, устодон ва донишҷӯён ҳузур доштанд.
Дар маҳфил Ҳоҷӣ Ҳусайн Мӯсозода дар мавзӯи «Дин дар давлати дунявӣ» гузориш намуд.
Дар ҷараёни музокира раиси Шӯрои уламои Маркази исломии Тоҷикистон Саидмукаррам Абдуқодирзода, намояндагони мақомоти ҳифзи ҳуқуқ, устодон Самад Болтаев, Нурулло Ғиёсов, Саъдӣ Муртазоев, Ӯғулой Умаралиева ва донишҷӯён сухан гуфтанд.