Хушқадам- қаҳрамони Тоҷикистон дар риштаи дзюдо
Душанбе, 13.04.2015. (АМИТ “Ховар”, Рафоати Абдулҳамид).- Хушқадам Хусравов, ки то ин дам танҳо дар сабқатҳои риштаи самбо баромад мекард, бори аввал дар мусобиқаи қаҳрамонии Тоҷикистон оид ба гӯштини дзюдо иштирок карда, қаҳрамон шуд.
Ба иттилои Маркази матбуоти Кумитаи миллии олимпии Тоҷикистон Хушқадам Хусравов , паҳлавони маъруфи тоҷик, ки то кунун танҳо дар сабқатҳои оид ба самбо иштирок мекард, 11 апрел бори аввал дар мусобиқаи қаҳрамонии гӯштини дзюдои Тоҷикистон иштирок намуда, ғолиб шуд. Ӯ дар вазни 60 кило баъди пирӯзӣ бар панҷ ҳарифаш аз Бадахшону Суғду Душанбе ба финал баромад ва дар даври ниҳоӣ бо шикаст додани Озод Эмомов унвони қаҳрамони Тоҷикистонро соҳибӣ кард.
Акнун роҳ барои иштироки Хушқадам Хусравов дар мусобиқаҳои олимпӣ ва ҷаҳонии дзюдо боз мешавад. «Дар риштаи дзюдои кишвар қаҳрамон шудан роҳро барои иштирок дар чунин мусобиқаҳои сатҳи ҷаҳонӣ, аврупоӣ ва миллӣ дар риштаи дзюдо боз кард»,-гуфт ӯ.
Аммо ин паҳлавони тоҷик мегӯяд, имсол ӯ тасмим дорад, дар мусобиқоти ҷаҳонии самбо ширкат карда ва қаҳрамони ҷаҳон шавад.
Хушқадам Хусравов охири моҳи марти соли ҷорӣ дар мусобиқаи байналмилалии «Ёдбуди Анатолий Харлампиев”, поягузори гӯштини
самбо, ки Ҷоми ҷаҳонӣ ҳисоб меёбад, унвони қаҳрамонӣ ба даст овард. Вай дар сабқати самбои варзишӣ байни мардон дар вазни зери 62 кило ба финал баромада, дар қувваозмоии ниҳоӣ бар варзишгари Қазоқистон Йессет Куанов бо ҳисоби 6:3 ғалаба кард ва барои ҷойи аввал бо медали тилло ва ҷоизапулӣ сарфароз гашт.
Хушқадам Хусравов дар мусобиқаи қаҳрамонии самбои Осиё, ки моҳи июни соли 2014 дар пойтахти Ӯзбекистон — шаҳри Тошканд баргузор шуд, дар рақобатҳо дар вазни то 62 кило ба унвони қаҳрамонӣ даст ёфта, бо медали тилло сарфароз гаштааст.
Ассотсиатсияи хабарнигорони риштаи варзиши Тоҷикистон Хушқадам Хусравовро ба рӯйхати даҳ варзишгари беҳтарини Тоҷикистон дар соли 2014 дохил кардааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






