Иқдомоти МОИ “Суғд” барои ҷалби сармояҳои Русия

Душанбе, 23.04.2015. (АМИТ “Ховар”, ).- 22 апрел сафири Федератсияи Русия дар Тоҷикистон Игор Лякин- Фролов аз Минтақаи озоди иқтисодии “Суғд” боздид намуд.
Назар ба хабари маъмурияти МОИ “Суғд”, роҳбари минтақа Фирдавс Олимов ба меҳмон аз фаъолияти Минтақаи озоди иқтисодӣ ва тағйироте ки баъди мулоқоти соли 2013 дар инҷо рӯй додааст, аз ҷумла дар бораи мавриди истифода қарор додани корхонаҳои нав ва афзудани тедоди иншоотҳо нақл кард.
Зимни мулоқот бахши истеҳсоли меваи хушк, ки диққати бозори Русияро ба худ ҷалб менамояд, баррасӣ шуд.
Роҳбари маъмурият ҳамчунин аз тадбирҳое ки роҳбарияти вилоят барои таҷдиду рушди бахши кишоварзӣ меандешад, нақл кард.
Фирдавс Олимов ҳамчунин зикр намуд, ки дар Минтақаи озоди иқтисодӣ барои ҷалби сармояҳои Русия корҳои зиёде анҷом дода, бо ширкатҳои Русия дар бораи рушди ҳамкорӣ   гуфтушунид карда мешавад.
Зимни мулоқот имконияти ҳамкорӣ бо вилоятҳои Оренбург ва Ростов барои бунёди  корхонаи муштараки васли техникаи кишоварзӣ мавриди муҳокима қарор гирифт.