Ибтикороти вазир

Душанбе, 14.04.2015. (АМИТ “Ховар”,МуқаддасТемурзода ).- Вазири корҳои дохилии Тоҷикистон Раҳимзода Рамазон Ҳамроҳ ва гурӯҳи соҳибкорони кишвар дар ҷараёни сафари корӣ ба минтақаи Рашт аз шаҳраки Ғарм, ки 12 хонаи бесоҳиби он дар ихтиёри ВКД қарор дорад, дидор намуданд.
Мувофиқи маълумоти ВКД ҶТ, дар ин хонаҳо кайҳо боз касе зиндагӣ надошта ва онҳо ба таъмири асосӣ зарурат доранд. Роҳбари ВКД дар робита бо ин ба соҳибкорони ноҳияҳои Рашт, Нуробод, Ҷиргатол, Тавилдара ва Тоҷикобод пешниҳод намуд, ки ба таъмиру таҷдиди хушсифати ин хонаҳо ҳисса гузоранд, то онҳо чун макони истироҳатии кормандони милиса ва оилаҳои онҳо мавриди истифода қарор гиранд.