Ифтитоҳи намоишгоҳи байналмилалӣ дар Душанбе

Душанбе,24.04.2015.(АМИТ “Ховар”, Кристина Эрлих).- Бо ибтикори Палатаи савдо ва саноати Тоҷикистон ва ширкати “ ТМ- International” ва бо дастгирии Ҳукумати Ҷумҳурии Тоҷикистон чанде пеш дар шаҳри Душанбе Намоишгоҳи 16- уми байналмилалии таҳсилотӣ ифтитоҳ шуд.
“Палатаи савдои Тоҷикистон ба таҳсилоти олӣ ва тарбияи мутахассисони касбии иқтисодиёти Тоҷикистон аҳамияти хоса зоҳир менамояд. Палата бо дарназардошти ин 16 сол боз якҷоя бо ширкати “ТМ- International” дар шаҳрҳои Душанбе, Қурғонтеппа, Кӯлоб ва Хуҷанд чунин намоишгоҳҳоро рӯи кор меорад”,- гуфт муовини раиси ПСС ҶТ, Асомиддин Ризоев.
Дар намоишгоҳ нигораҳои муассисаҳои таҳсилотии Тоҷикистон, Малайзия, Кипр, Британияи Кабир, Олмон, Туркия, Дубай ва ИМА ба маърази намоиш гузошта шудаанд.
Рӯзҳои наздиктарин дар шаҳрҳои Қуғонтеппа, Кӯлоб ва Хуҷанди вилоятҳои Хатлону Суғд чунин намошгоҳҳо доир мегарданд.