«Истиқлол» бар «Алъ — Қодисия» пирӯз шуд

Душанбе,16.04.2015 (АМИТ «Ховар» ).- Қаҳрамони секаратаи Тоҷикистон дастаи «Истиқлол» -и  шаҳри Душанбе  дар ҳошияи даври чоруми марҳалаи  гурӯҳӣ  дорандаи Ҷоми Конфедератсияи футболи Осиё дастаи «Алъ- Қодисия» — и  Кувайтро бо ҳисоби 2:0 мағлуб сохт.
Тӯбҳоро ба дарвозаи ҳариф Фатҳулло Фатҳуллоев ва Манучеҳр Ҷалилов ворид  намуданд.
Акнун дастаи  «Истиқлол» бо ҳафт хол  дар сатри аввали ҷадвали мусобиқот дар гурӯҳӣ «С» қарор дорад. Дар вохӯрии  дигар  дастаи «Аҳал» -и  Туркманистон бо ҳисоби 3:2  бар дастаи  «Эрбил» -и  Ироқ ғолиб  омад.
Ёдовар мешавем, ки дастаи «Истиқлол»  29  апрел  дар шаҳри  Доҳаи Қатар бо дастаи «Эрбил» — Ироқ вомехӯрад.