Кӯлоб: омодагӣ ба ҷашнҳо

Кӯлоб,15.04.2015. (АМИТ «Ховар», Сулаймони Хол).-Дар шаҳри Кӯлоб корхои омодагӣ бахшида ба ҷашнҳои 700-солагии алломаи Шарқ Мир Саид Алии Ҳамадонӣ, 70- солагии Донишгохи давлатии Кӯлоб ба номи Абуабдулло Рӯдакӣ бо маром идома доранд. Хусусан кормандони соҳаи коммуналӣ дар ин рӯзҳо серташвишанд.  Аҳли заҳмати корхонаи ниҳолпарварӣ ва сабзазоркунии шаҳр баъди анҷоми маъракаи ниҳолшинонӣ ба кӯчат намудани гулҳои мавсимӣ шуруъ намуданд. 
Ба гуфти   Сафол Абдулаҳадов, корманди Муассисаи давлатии ниҳолшинонӣ ва кабудизоркунии шаҳри Кӯлоб ҳоло дар қитъаҳои гулпарварӣ ва гармхонаҳои муассисаи мазкур беш аз 50 ҳазор гулҳои мавсимӣ парвариш меёбад ва онҳоро дар хиёбону гулгаштҳои шаҳр кӯчат хоханд кард. Корҳои таъмирӣ ва омодагӣ ба ҷашнҳо дар мақбараи Мир Саид Алии Ҳамадонӣ низ вусъати тоза пайдо намудаанд. Дар айни замон роҳраву гулгаштҳо пурра аз таъмир бароварда шуда, корҳои таъмирӣ дар биноҳои ёрирасон идома доранд.