Кӯлоб: Вохўрӣ бо прокурори вилояти Хатлон
Кўлоб, 22.04.2015.(АМИТ «Ховар» Фарҳод Мадаминов).- Бо иштироки раиси шаҳри Кӯлоб Хайруллои Амонулло ва прокурори вилояти Хатлон Насрулло Маҳмудов дар толори мақомоти иҷроияи ҳокимияти давлатии шаҳри Кӯлоб вохўрӣ бо фаъолони шаҳр, донишҷӯёни Донишгоҳи давлатии Кӯлоб, коллеҷҳои омӯзгорӣ, тиббӣ, Донишкадаи технологӣ ва менеҷменти инноватсионӣ, имомхатибони масҷидҳои шаҳр ва деҳот баргузор гардид. Дар вохӯрӣ масъалаи сатҳи ҷинояткорӣ ва гаравидани ҷавонон ба ҳизбу ҳаракатҳои тундрав баррасӣ шуд. Раиси шаҳри Кӯлоб Хайруллои Амонулло тақвият бахшидани корҳои фаҳмондадиҳиро дар миёни ҷавонон омили асосии беҳбуди кор дар ин самт дониста, аз ҳозирин даъват кард, ки дар ҳалли масъалаи мазкур, ки ҷомеаи ҷаҳониро ба ташвиш овардааст, бетарафӣ зоҳир накунанд.
Зикр шуд, ки ҳар яки мо дар ин самт бояд аз ақлу заковат ва сиёсати пешгирифтаи давлат истифода кунем ва кӯшиш намоем, ки аз ҷараёнҳои номатлуб пешгирӣ кунем. Прокурори вилояти Хатлон Насрулло Маҳмудов бо таассуф зикр кард, ки чанде аз ҷавонони Кӯлобшаҳр низ ба сафи ҳаркатҳои тундгаро пайваста, чанд нафари онҳо кушта шудаанд ва аҳли ҷамоати шаҳрро даъват намуд, ки барои пешгирӣ аз ин зуҳуроти номатлуб ҳама дастаҷамъона саҳм гузоранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






