Корҳои кишти пахта вусъати тоза мегиранд

Хуҷанд, 14.04.2015. (АМИТ “Ховар”, Абдуаҳад Шарифзода).-Дар вилояти Суғд  корҳои кишти пахта рӯз аз рӯз вусъат мегиранд.  Тавре ки  аз идораи кишоварзии вилоят иттилоъ доданд, ҳоло кишти пахта дар 7 ноҳияи пахтакори вилоят, чун Ашт, Б.Ғафуров, Ҷ.Расулов, Конибодом, Мастчоҳ, Спитамен ва Зафаробод идома дошта, дар майдонҳои кишти пахта асосан тухмиҳои навъи воридотии хориҷӣ, аз қабили  “амрикоӣ”, “хитоӣ” ва  “австралиягӣ” бартарӣ доранд. 
Тибқи нақшаи дурнамо соли ҷорӣ пахтакорони вилоят азм доранд дар майдони 54 ҳозор га кишти пахта гузаронида, дар маҷмӯъ  зиёда аз 105 ҳазор тонна пунбадона ҷамъоварӣ намоянд. 
То охири даҳаи аввали моҳи равон дар майдонҳои кишоварзии шимоли кишвар кишти пунбадона дар майдони 15 588 га гузаронида  шудааст.