Лоиҳаи нави Бонки ҷаҳонӣ

Апрель 8, 2015 14:16

Душанбе, 8.04.2015. ( АМИТ «Ховар», Раъно Нусратуллозода).-6 апрел дар Донишкадаи молия ва иқтисоди Тоҷикистон (ДМИТ) бо иштироки муовини аввали вазири молияи Ҷумҳурии Тоҷикистон Ҷамолиддин Нуралиев ва намояндаи Бонки ҷаҳонӣ Саҷико Катаука ҷаласа доир гардид.
Ҷамолиддин Нуралиев дар бораи  лоиҳаи нави Бонки ҷаҳонӣ, ки ба воситаи ДМИТ татбиқ намудани он дар назар гирифта шудааст, маълумот дод. Ў иброз дошт, ки лоиҳаи мазкур дар курсҳои кўтоҳмуддат мутахассисонро тайёр намуда, барои бо ҷойи кори мувофиқ таъмин шудани онҳо мусоидат менамояд. 
Ректори донишкада Ашурбой Солиев  зикр  кард, ки ДМИТ бо дастгирии Вазорати молияи ҶТ аз ҷиҳати моддию техникӣ ҳаматарафа таъмин буда, дар айни ҳол татбиқи даври дуюми Лоиҳаи Иттиҳоди Аврупо «LOT:1 Дастгирии самтҳои алоҳидаи ислоҳоти идораи молияи давлатии EuropeAid/134384/DH/SER/TJ» дар ДМИТ идома дорад, ки он барои дастгирии татбиқи ислоҳоти низоми идораи молияи давлатӣ нигаронида шудааст. Феълан як гурўҳ омўзгорон курси забономўзӣ ва моделсозии иқтисодӣ ва ояндабинии иҷтимоию иқтисодиро гузашта, дар ояндаи наздик метавонанд дар идораи молияи давлатӣ пешниҳодҳои судманд намоянд, гуфт ректор.
 

Апрель 8, 2015 14:16

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд