М. Убайдуллоев ба сухангӯяш мансаб дод

 Душанбе, 20.04.2015.(АМИТ «Ховар», Марзия Саидзода).-Котиби матбуотии раиси шаҳри Душанбе Шавкат Саидов директори Муассисаи давлатии «Телевизиони пойтахт» таъйин гардид. Дар ин хусус 20 апрел раиси шаҳри Душанбе Маҳмадсаид Убайдуллоев қарори марбута ба имзо расонд. Аз шуъбаи кадрҳои  дастгоҳи раиси шаҳри Душанбе ба АМИТ «Ховар» иттилоъ доданд, алҳол мушаххас нест, ки директори собиқи ТВ «Пойтахт» Шаҳло Мӯсоева ба кадом вазифа таъйин мешавад. 
      Бояд тазаккур дод, ки Шавкат  Саидов беш аз даҳ сол сухангӯи раиси шаҳр буд. 
   Қаблан марҳум Раҳмон Остон, Абдуқодири Абдуқаҳҳор ва  Шаҳло Мӯсоева  ба ҳайси директори телевизиони «Пойтахт» фаъолият намудаанд.