Маҳфили эҷодии Вафо Назаров

 
      Душанбе,23.04.2015 (АМИТ «Ховар»).- 22 апрел  дар  шаҳри  Душанбе  маҳфили адабии Рассоми  халқии  Тоҷикистонт,  ҷоизи Мукофоти  давлатӣ ба номи А. Рӯдакӣ,  академики Академияи рассомони Тоҷикистон, доктори фахрии  санъат  дар  риштаи  санъати ҷаҳонӣ  Вафо  Назаров баргузор  гардид.
Назар  ба иттилои  Вазорати  фарҳанги  Тоҷикистон,  нависанда, муаллифи китоби  «Сабақҳои  Вафо  Назаров»  Абдуғаффор  Абдуҷабборов  аз сарнавишти эҷоди  ва  роҳи  зиндагии  устоди  барҷастаи  санъати рассомӣ  нақл  кард.
Сипас  Вафо Назаров  дар  бораи  25 офаридааш, ки  ба ҳукми  ҳаводорони  санъати рассомӣ гузошта  шудаанд,  сухан  карда,  ба  саволҳои  сершумори ҳозирон  посух  дод.
Дар анҷоми маҳфил  намояндагони  сафорати Русия  дар  Тоҷикистон,  ҳамчунин  сафири  Беларус  дар Тоҷикистон  Олга  Гаврук  таасуроташонро байён  карданд.
Ёдовар мешавем, ки намоиши  асарҳои  Вафо  Назаров  то 5 май  идома  меёбад.