Мавқеи ҷавонон дар ҷомеа

Апрель 18, 2015 10:28

Душанбе, 18.04. 2015. (АМИТ “Ховар”, Фарзонаи Давлат).-Тибқи нақшаи муштарак мулоқотҳои роҳбарони Кумитаи ҷавонон, варзиш ва сайёҳӣ Аҳтам Абдуллозода ва Кумитаи кор бо занон ва оила Махфират Хидирзода бо ҷавонону донишҷӯёни фаъоли кишвар идома доранд. Чунин мулоқот дирӯз дар Донишгоҳи технологии Тоҷикистон ба номи Муҳаммад Осимӣ доир гардид, ки дар он ҳайати омӯзгорон, донишҷӯён ва роҳбарияти донишгоҳ ишитрок намуданд.
Бино ба иттилои Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ, дар мулоқот Махфират Хидирзода, раиси Кумитаи кор бо занон ва оила доир ба маърифати занон, роҳҳои коҳиш додани вайроншавии оилаҳои ҷавон ва тарбияи онҳо дар руҳияи хештаншиносӣ сухан гуфт. Таъкид шуд, ки дар замони муосир дар олам омезиши шадиди фарҳангҳо идома дорад ва дар ин давра нигоҳ доштани ҳуввияти миллӣ вазифаи аввалиндараҷаи насли ҷавон аст. 
Аҳтам Абдуллозода, раиси Кумитаи ҷавонон, варзиш ва сайёҳӣ дар маърӯзаи хеш бештар ба масъалаи падидаҳои номатлуби пайдогардида, мавқеи ҷавонон дар ҷомеа, сиёсати давлатӣ дар соҳаи ҷавонон таваҷҷуҳ кард. 
Гуфта шуд, ки тибқи маълумотҳои оморӣ бештар аз 3 миллиону 200 ҳазор аҳолиро ҷавонони аз 14 то 30 сола ташкил дода, падидаҳои номатлуби дар ҷомеа пайдогардида низ ба онҳо бетаъсир буда наметавонанд.   Ба таъкиди Аҳтам Абдуллозода, ҷараёнҳои ҷаҳонӣ тавассути иттилоти  гуногун ба ҷавонон таъсир мерасонанд, ки ин боиси аз байн рафтани арзишҳои миллӣ ва эҳтироми волидайн мегардад.
Аз ин рӯ, аз ҷавонон даъват шуд, ки  ҳамеша дар мавқеи худ устувор буда, ба иттилои бардурӯғ дода нашаванд.
Ҳамчунин дар мулоқот аз афзоиши ҷинояткорӣ ва истифодаи нодурусти шабакаҳои иҷтимоӣ изҳорӣ нигаронӣ шуд. Изҳор гардид, ки дар замони муосир аз худ кардани донишҳои технологӣ амри зарурист, аммо он бояд ба маврид истифода  шавад. 
Дар поёни мулоқот донишҷӯён вобаста ба мавзӯъҳои гуногун суолу дархости худро ба масъулин ирсол намуданд.

Апрель 18, 2015 10:28

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд