Мизи мудаввар дар мавзӯи бехатарии маводи ғизоӣ

Апрель 8, 2015 10:26

Душанбе,08.04.2015(АМИТ«Ховар» Муқаддас Темурзода). 7 апрел дар  шахри Душанбе  бахшида ба  Рӯзи умумиҷаҳонии тандурустӣ мизи мудаввар  дар  мавзӯи «Бехатарии маводи ғизои» баргузор  гардид, ки  дар  кори  он намояндагони  Вазорати  тандурустӣ ва  ҳифзи иҷтимоии аҳолии ҶТ, Вазорати кишоварзии ҶТ, корхонаҳои саноатии кишвар, созмонҳои байналмиллалӣ ва намояндагони  ВАО ширкат  доштанд.
Роҳбари намояндагии Созмони умумиҷаҳонии  тандурустӣ  дар ҶТ  Павел Урсу  зимни суханрониаш зикр  намуд, ки аҳолии  кишвар бояд  ғизои  бехатару безарарро истифода  намояд.  Барои ин  муҳим аст, ки  бахши  тандурустӣ , кишоварзӣ, ҳифзи муҳити  зист, хӯроки  умумӣ ва  саноати  хурокворӣ,  ҳамчунин ҷомеаи  шаҳрвандӣ ва истеъмолкунандагон бо ҳам  зич  ҳамкорӣ намоянд.
«Зарурати роҳандозии ислоҳоти фаврӣ дар бахши бехатарии маводи ғизоӣ дар  Тоҷикистон тақозои замон  аст. Бунёди  низоми эътирофшудаи бехатарии маводи ғизоӣ ҳам барои истифодабарандагони маҳаллӣ ва  ҳам  барои истеъмолкунадагони хориҷӣ  гарави мувафақият пайдо намудани  маводи ғизоии дохилӣ ва маҳсулоти кишоварзии Тоҷикистон маҳсуб меёбад. Ин,  дар  навбати худ, сатҳи некуаҳволӣ ва тандурустии аҳолиро ҳатман баланд  мебардорад»,- гуфт  намояндаи Созмони маводи ғизоӣ ва маҳсулоти кишоварзии СММ дар Тоҷикистон  Виорел Гутсу.
Ёдовар мешавем, ки ҳар сол 7 апрел дар  кишвар Рӯзи умумиҷаҳонии тандурустӣ таҷлил гардида, масоили мухталифи марбут ба  тандурустӣ мавриди муҳокима  қарор мегирад.

Апрель 8, 2015 10:26

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд