Муҳокимаи масоили ҳамкорӣ

Қурғонтеппа,16.04.2015 (АМИТ «Ховар» Мурод Сотиев).-  14 апрел  раиси вилояти  Хатлон Давлатшоҳ  Гулмаҳмадзода  ва сафири Ҷопон  дар Тоҷикистон  Такаши Камада  масоили ҳамкории  дуҷонибаро муҳокима намуданд.
Давлатшоҳ  Гулмаҳмадзода  аз вазъи иҷтимоию иқтисодии  вилоят нақл карда, зикр намуд, ки дар  вилоят ба  рушди иҷтимоиёт  таваҷҷӯҳи  хоса  зоҳир  мегардад. Ҷонибҳо ҳамчунин лоиҳаҳои татбиқшаванда дар бахшҳои  мухталифро  мавриди  муҳокима  қарор  доданд.
Худи  ҳамон рӯз  Такаши  Камада  дар  мактаб — интернати ноҳияи  Вахш  бо шароити  таълиму зисти  тарбиягирандагони  он  шинос  шуд. Зикр  шуд, ки   бояд лоиҳаи  гармидиҳӣ ба хобгоҳи  интернат  дар амал татбиқ гардад. Ҷонибҳо изҳори  умедворӣ  намуданд, ки  ҳамкорӣ  дар  ҳошияи лоиҳа  дар  сатҳи  зарурӣ  идома  хоҳад ёфт.