Муҳокимаи масоили гардиши қонунии прекурсорҳо

Душанбе,08.04.2015(АМИТ «Ховар» Муқаддас Темурзода). Кормандони Агентии назорати маводи нашъаовари  назди Президенти ҶТ  ба  манзури ҷилавгирии қочоқи прекурсорҳо  ва  роҳ надодан ба халалдор сохтани гардиши қонунии онҳо  бо омӯзгорони кафедраи кимиёи умумӣ ва  ғайриорганикии Донишгоҳи техникии Тоҷикистон ба  номи  М. Осимӣ, мутахассисони Ҷамъияти масъулияташ  махдуди «Тоҷикчарм»  ва Ҷамъияти саҳҳомии пӯшидаи «Нафтугаз» иқдоми тавзеҳотиро роҳандозӣ  намуданд.
Назар  ба  хабари  Агентии назорати маводи  нашъаовари ҶТ, кормандони агентӣ дар  ҷараёни вохӯрӣ усулҳои ба даст овардани ҷавозномаҳо  барои корхонаҳо, ташкилотҳо ва  заводҳое, ки зимни  фаъолияти рӯзмарраашон прекурсҳоро  истифода  менамоянд,  муфассал тавзеҳ доданд.
Ҳамзамон  шарту талаботи ироаи ҳисобот дар  бораи нигаҳдорӣ, қабул  ва  истифодаи  прекурсорҳо мутобиқи нақшаи тасдикшуда  ба  ҳозирон тавзеҳ дода шуд.