Муҳокимаи масоили табодули таҷриба
Душанбе, 15.04.2015. (АМИТ Ховар,МуқаддасТемурзода ).- 14 апрел дар шаҳри Душанбе мулоқоти муовини вазири корҳои дохилии Тоҷикистон Абдулло Навҷавонов ва сардори маркази озмоишию ҷиноятсанҷии ВКД Русия Пётр Гришин баргузор гардид.Назар ба хабари ВКД ҶТ, дар мулоқот сардорони раёсатҳои маркази зикршуда полковникҳои пулис Николай Мартинников ва Игор Богданов низ ширкат доштанд.Ҷонибҳо масоили табодули таҷриба дар самтҳои фаъолияти озмоишию ҷиноятсанҷӣ, тарбияи кадрҳо, доир намудани мулоқотҳо дар ҳудуди Русия ва омодагӣ ба ҷаласаи Ҳайати раёсати муттаҳидаро мавриди муҳокима қарор доданд.Дар анҷоми мулоқот намояндагони ВКД Русия барои ҳамкории судманд ва саҳми шахсияшон дар амри таҳкиму густариши ҳамкории байни ҳарду вазорат бо фармони вазири корҳои дохилии Ҷумҳурии Тоҷикистон бо нишони Барои мусоидат мукофотонида шуданд.