Муаррифии имкониятҳоии туристии Тоҷикистон дар Корея

Душанбе, 23.04.2015 (АМИТ «Ховар», Фарзонаи Давлат).-Аз 23-юм то 24-уми апрели соли равон ҷаласаи 5-уми гурӯҳи кории давлатҳои масири Шоҳроҳи бузурги Абрешим дар шаҳри Сеули давлати Корея баргузор мегардад. 
Тоҷикистонро дар ин чорабинии муҳими байналмилалӣ дар баробари 19 давлати дунё муовини раиси Кумитаи ҷавонон, варзиш ва сайёҳӣ Ризо Назарзода намояндагӣ мекунад. Дар доираи чорабинии байналмилалӣ  имкониятҳои туристии мамлакат тавассути маводи иттилоотӣ ва тарғиботӣ, инчунин саҳми Тоҷикистон дар эҳё ва рушди Шоҳроҳи бузурги Абрешим муаррифӣ мегардад. 
Бино ба иттилои Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ, моҳи августи соли ҷорӣ дар Тоҷикистон низ аввалин Конфронси байналмилалии туристӣ ва Фестивали сайёҳиву фарҳангии «Мероси роҳи Абрешим» ба нақша гирифта шудааст.