Мубориза ба муомилоти маводи мухаддир аз тариқи Масири героин

Душанбе, 9.04.2015. (АМИТ «Ховар», Мавҷуда Анварӣ).-    Дар доираи Лоиҳаи “Шабакаҳои иттилоотӣ қад-қади Масири героин” марҳилаи дуюми Барномаи “Мубориза бо ҷинояткории муташаккил ва муомилоти ғайриқонунии маводи мухаддир аз тариқи Масири героин”, ки аз тарафи Иттиҳоди Аврупо маблағгузорӣ мегардад, дирӯз дар Агентии назорати маводи нашъаовар баргузор гардид.
Дар вохӯрӣ роҳбари гурӯҳи лоиҳавӣ Томас Патрик Картер, машваратчии гурӯҳи лоиҳавӣ Грегори Китселл, намояндагони ВКХ, Агентии назорати маводи нашъаовар, СҚС, КДАМ, Хадамоти гумрук ва ВКД иштирок намуданд.
Дар вохӯрӣ нисбат ба таҳияи лоиҳа, чорабиниҳо дар доираи лоиҳа, ки барои соли 2015 ба нақша гирифта шудаанд, иттилоъ дода шуд.
Масъалаҳои курсҳои омӯзишӣ дар соҳаҳои мухталиф: низом ва раванди фаъолияти мақомоти ҳифзи ҳуқуқ дар асоси иттилооти фаврӣ, механизми табодули иттилоот, гузаронидани амалиёти мухталиф, усулҳои бурдани тафтишоти молиявӣ мавриди муҳокима қарор гирифтанд.