Мулоқоти вазири ВКХ ҶТ бо сафири Ироқ

 
Душанбе, 29.04.2015. (АМИТ «Ховар»).- 28  апрел  вазири  корҳои  хориҷии  Тоҷикистон  Сироҷиддин  Аслов  сафири  Ироқ  дар  Тоҷикистон Роҷеҳ ал — Мусавиро ба  ҳузур  пазируфт.
Назар  ба  иттилои  ВКХ  ҶТ,  дар  ҷараёни  мулоқот  дурнамои  муносибатҳои  Тоҷикистону  Ироқ ва  роҳҳои  густариши онҳо  дар   бахшҳои  иқтисодиёт,  тиҷорат,  фарҳанг,  илм, сайёҳӣ ва соҳаҳои  дигаре, ки диққати тарафайнро  ба  худ  ҷалб  мекунанд,  муҳокима  шуданд.
Ҳамчунин  перомуни  вазъияти Шарқи  Наздик  ва  Миёна,  саъю  кӯшишҳои  ҷомеаи  ҷаҳон  барои ба  эътидол  овардани  вазъият  ва таъмини  сулҳу  суботи  минтақаҳои  зикршуда,  роҳандозии  ҳамкории  байни  ниҳодҳои  дахлдори ҳар  ду  кишвар  дар  мубориза  бо терроризми  байналмилалӣ ва ситезаҳои  дигар  табодули  афкор  баргузор  шуд.
Сафири  Ироқ изҳор  дошт, ки  кишвараш  ҷонибдори  рушди  бештари  ҳамкорӣ  бо Тоҷикистон  дар ҳошияи   созмонҳои  минтақавию  ҷаҳонӣ  мебошад.