Мусодираи маводи нашъадор ва силоҳ дар Ҳамадонӣ

Душанбе, 04.04.2015. (АМИТ «Ховар», Муқаддас Темурзода).- Зимни гузаронидани чорабиниҳои фаврӣ-ҷустуҷӯӣ дар ҳудуди ноҳияи Ҳамадонӣ, марди 41-сола, сокини ҳамин ноҳия аз ҷониби кормандони Раёсати мубориза бар зидди гардиши ғайриқонунии маводи мухаддири ВКД дастгир гардид.  
Тибқи иттилои ВКД ҶТ, ҳангоми кофтукови шахсӣ аз ӯ ба миқдори 26 кг 930 грамм маводи нашъадори навъи ҳашиш, бангдона, афюн ва 1 адад  таппончаи  тамғаи “Parellum Pietro”, бо 2 адад тирдон ва 32 адад тир, ки бо худ ғайриқонунӣ нигоҳ медошт, дарёфт  ва  мусодира   шуд.
Нисбат ба далели мазкур парвандаи ҷиноятӣ оғоз гардида, тафтиш идома дорад.