Нақшаи даъват ба aртиш 79% иҷро шуд

    Душанбе, 22.04.2015  (АМИТ «Ховар», Некрӯзи Муҳаммадсодиқ).-Аз оғози даъвати шаҳрвандон ба хизмати ҳарбӣ 22 рӯз сипарӣ гардид. Дар ин муддат аллакай беш аз 10 шаҳру навоҳии вилояти Хатлон, 5 ноҳияи ВМКБ, се ноҳияи  тобеи марказ ва 5 шаҳру ноҳияи вилояти Суғд аз иҷрои пурраи нақшаи даъвати  хизмати ҳарбӣ  баромаданд.  
     Корманди маркази матбуоти Вазорати мудофиаи Ҷумҳурии Тоҷикистон Санавбар Саидзода ба АМИТ «Ховар» иттилоъ дод, ки дар ин радиф иҷрои нақша дар вилояти Суғд 78%, дар ноҳияҳои тобеи марказ 74%, дар ВМКБ 84% ва дар 4 ноҳияҳои пойтахт 58%-ро ташкил медиҳад. Ин нишондод дар вилояти Хатлон  91%  мебошад. Аз оғоз то 20-уми апрели соли 2015 иҷрои нақша дар ҷумҳурӣ ба 79%  баробар аст.