«Навойи Кибриё» омад

Апрель 22, 2015 08:58

Душанбе,22.04.2015. (АМИТ «Ховар», Мавҷуда Анварӣ).- Нашриёти «Адиб» куллиёти ашъори шоири шаҳир Туғрали Аҳрориро таҳти унвони «Навойи Кибриё» ба нашр расонид. Китоб бо кӯшишу тавзеҳи муҳаққиқ Асрори Раҳмонфар ва нависанда, пажӯҳишгар Мирзо Шукурзода ба зевари табъ омадааст.
Куллиёт ба муносибати ҷашни 150-солагии Туғрали Аҳрорӣ чоп шудааст. Нақибхон Туғрали Аҳрорӣ аз охирин классикони адабиёти тоҷик ба шумор рафта, дар ибтидои ҳуҷуми Русия ба хоки Осиёи Марказӣ ба хидмати армияи Русия гузашта, аз тарафи қумандонаш кушта мешавад. Ва ӯро то солҳои 60-ум ҳамчун «душмани халқ» мепиндоштанд. Ибтидои солҳои 60-ум бо кӯшиши нависанда ва муҳаққиқ марҳум Ҳабибулло Назаров, ки дар вазифаи Суди олӣ ифои вазифа мекард, Туғрал «сафед» карда шуд. Соли 1964 аввалин «Мунтахаби ашъори Туғрал» зери назари Носирҷон Маъсумӣ таҳия гардид. Аммо чуноне таҳқиқоти баъдӣ нишон доданд, он мунтахаб фарогири ҳамаи ашъори Туғрал набуд. Дар солҳои баъдӣ низ ашъори Туғрал чоп шудаанд.
Куллиёти  «Навойи кибриё» нисбатан мукаммалтар буда, ҳамаи ашъори Туғралро, ки то имрӯз ба даст расидааст, фаро гирифтааст. Куллиёт аз сарсухани Асрори Раҳмонфар, ғазалиёт, мустазод, қасоид, маснавиёт, муқаттаъот, мухаммасот, мусаддасот, мусамман, рубоиёт ва дубайтиҳои Туғарал иборат аст.
 
 

Апрель 22, 2015 08:58

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд