Омодагӣ ба машқҳои тактикӣ-низомӣ

Душанбе, 28.04.2015. (АМИТ «Ховар», Муқаддас Темурзода).- Дирӯз дар Душанбе вазири корҳои дохилӣ Раҳимзода Рамазон Ҳамро бо иштироки сардорони сарраёсат, сарситод, раёсатҳо, шуъбаҳои корҳои дохилӣ ва ҷузъу томҳои мақомоти корҳои дохилӣ оид ба гузаронидани машқҳои тактикӣ-низомӣ дар якҷоягӣ бо воҳидҳои таъйиноти махсуси Вазорати бехатарии ҷамъиятии Ҷумҳурии мардумии Чин машварати корӣ баргузор намуд.
Тибқи иттилои ВКД ҶТ, дар ҷаласаи мазкур ҷараёни тайёрӣ ва омодабошӣ барои гузаронидани машқҳои зиддитеррористӣ дар шароити кӯҳсор дар якҷоягӣ бо Вазорати бехатарии ҷамъиятии Ҷумҳурии мардумии Чин мавриди баррасӣ қарор гирифта, ба масъулини соҳа дастуру супоришҳои машаххас дода шуданд.