Ошноии волидон бо шароити таҳсили фарзандон

Душанбе, 16.04.2015. (АМИТ «Ховар», Раъно Нусратуллозода).- Бо ташаббуси шуъбаи тарбия ва кафедраи суғуртаи факултаи иқтисоди молиявӣ ва андозбандии Донишкадаи молия ва иқтисоди Тоҷикистон 14 апрел маҷлиси падару модарон доир гардид.
Ба иттилои котиби матбуоти донишкада Машҳура Абдуллоева декани факултаи мазкур Хуршед Давлатов  иброз дошт, ки ин ҷаласа дар партави Паёми имсолаи Президенти кишвар Эмомалӣ Раҳмон гузаронида шуда, барои баланд бардоштани сифати таълиму тарбия нигаронида шудааст. 
Мудири кафедраи суғурта Саъдихоҷа Маъдиев волидайнро бо самтҳои фаъолияти кафедра, ихтисоси интихобнамудаи фарзандонашон, шароити таҳсил ва зисти онҳо шинос намуда, дар бораи ҳар як донишҷӯ ба волидайн маълумот дод. Ӯ афзуд, ки барои донишҷӯён тамоми шароитҳо барои таҳсил муҳайёст, танҳо ӯро мебояд, ки дар машғулиятҳо пурра иштирок намуда, аз болои худ кор барад, вале бархе аз толибилмон фориғболӣ карда, ба дарсҳо дер ва бе тайёрӣ меоянд.