Озмоишгоҳ бо таҷҳизоти замонавӣ таъмин гашт
Ваҳдат, 27.04.2015. (АМИТ «Ховар», Субҳониддини Маҳмуд).-Муовини раиси бозори марказии шаҳри Ваҳдат Зикрулло Шоев иттилоъ дод, ки дар бозори мазкур 250 мағоза ва 840 ҷои нишаст барои фурӯшандаҳо мавҷуд аст. Инчунин соли ҷорӣ барои деҳқонон зиёда аз 70 ҷойи кори мавсимӣ ба истифода дода шуд, ки деҳқонон метавонанд бе мушкилӣ маҳсулоти хоҷагии худро дар бозор фурӯшанд.
Хамчунин дар бозор озмоишгоҳи ташхиси байтории санитарӣ фаъолият дорад, ки он аз таъмири пурра бароварда шуд ва аз ҳисоби Маркази ташхиси байтории санитарии байниноҳиявӣ шаҳри Ваҳдат бо таҷҳизоти наву замонавӣ таъмин шуд.