Озмуни «Муаллими сол» ҷамъбаст гардид

 Роғун, 28.04.2015. (АМИТ «Ховар», Субҳониддини Маҳмуд).-Чанде қабл дар мактаби таҳсилоти миёнаи умумии №17 шаҳраки Роғун  озмуни «Муаллими сол» бо иштироки муаллимони фанҳои гуногуни муассисаҳои таълимии шаҳраки Роғун баргузор гардид. Дар озмун 14 нафар омўзгор ширкат варзида, дар ҳузури ҳакамон бо усулҳои нави дарсӣ ба хонандагон дарс гуфтанд. Натиҷаи озмун нишон дод, ки Муносиб Камолов, муаллими мактаби №28 ба унвони «Муаллими сол-2015» сарфароз гардид. Ғолибон ва иштироккунандагон бо туҳфаҳои хотиравӣ ва ифтихорномаҳои шуъбаи маориф сарфароз  гардиданд. М. Камолов  ба даври ниҳоии озмуни «Муаллими сол — 2015» ба шаҳри Душанбе роҳхат  гирифт.