Пешгирӣ аз сӯхтор

Кӯлоб,14.04.2015. (АМИТ «Ховар», Сулаймони Хол).- «Дар давоми   се моҳи аввали соли ҷорӣ  дар шаҳри Кӯлоб  7  сӯхтор ба қайд гирифта шуд, ки зарари он 19 ҳазору 250  сомониро ташкил медиҳад. Ҳодисаи сӯхтор   нисбат ба ҳамин давраи соли гузашта 3 адад  кам   гардида,  кормандони хадамот барои пешгирӣ аз сӯхтор рейдҳои муштарак мегузаронанд»,-зикр намуд сардори  қисми  мустақили 33-юми  ҳарбикунонидашудаи  Хадамоти давлатии оташнишонӣ оид ба муҳофизати шаҳри Кӯлоб    Саидмудассир Раҳматов . 
Ба гуфтаи С. Раҳматов сабаби асосии сар задани сӯхторҳо  аз ҳисоби вайрон кардани  қоидаҳои васлкунии  таҷҳизоти барқӣ, қасдан оташ задан   ва оташбозии кӯдакон   аст.  Дар натиҷаи  андешидани тадбирҳои фаврӣ  ва сари вақт хомӯш намудани  сӯхторҳо, молу амволи шаҳрвандон  ба маблағи  1 млн. 217 ҳазору 500    сомонӣ наҷот дода шудааст.