Пирӯзии тими мунтахаби ҷавонони Тоҷикистон бар Шри-Ланка
Душанбе,03.04.2015 (АМИТ “Ховар”, Рафоати Абдулҳамид).- Тими мунтахаби ҷавонони футболи Тоҷикистон (U-23) дар бозии даври охирини сабқати интихобии қаҳрамонии Осиё-2016 дар гурӯҳи «D” бар дастаи мунтахаби Шри-Ланка (сармураббиаш Никола Кавазович, собиқ сармураббии тими мунтахаби миллии Тоҷикистон ва дастаи «Истиқлол”-и Душанбе) бо ҳисоби бузурги 5-1 пирӯз шуд. Ин бозӣ рӯзи 31-уми март дар шаҳри Фуҷайраи Амороти Муттаҳидаи Араб (АМА) баргузор шуд. Ҳисобро дар дақиқаи 24-уми нимаи аввали бозӣ Ҷоҳар Муҳаммад Зарван, бозингари тими мунтахаби Шри-Ланка боз кард.
Дар дақиқаи 37-уми бозӣ Парвизҷон Умарбоев аз пеналтӣ ҳисобро баробар намуд.
Нимаи дувуми дидор бо бартарии комили футболбозони тоҷик гузашт ва онҳо чор гол заданд. Голҳоро Фирӯз Раҳматов, Наврӯз Рустамов, Ҷаҳонгир Алиев ва Ҷаҳонгир Эргашев ба ҳадаф расонданд.
Дар бозии дигари даври охирини гурӯҳи «D” тими мунтахаби АМА бар тими Яман бо ҳисоби 1-0 ғалаба кард.
Ёдовар мешавем, ки футболбозони ҷавони тоҷик бо раҳбарии сармураббӣ Алишер Тухтаев нахустин бозиро бар тими Яман бо ҳисоби 1-2 ва бозии дувумро ба дастаи мунтахаби ИМА бо ҳисоби 0-3 бохтанд.
Ба ин тартиб, тими мунтахаби Тоҷикистон, ки бо 3 имтиёз дар гурӯҳи «D” дар ҷойи севум қарор гирифт, аз ҳаққи ширкат дар марҳилаи дувум маҳрум гашт. Дастаи мунтахаби Амороти Муттаҳидаи Араб бо 9 имтиёз ҷойи аввал ва тими мунтахаби Яман бо 6 имтиёз ҷойи дувумро касб карда, ба марҳилаи баъдӣ роҳ ёфтанд.
Дар Қазоқистон беш аз 6,5 ҳазор нафар бинобар обхезиҳо дар нуқтаҳои бехавф боқӣ мемонанд
Бар асари гармои шадид дар Бангладеш 10 нафар ҳалок шуд
Дар Кения бар асари пайомадҳои обхезӣ дар як моҳ беш аз 160 нафар ба ҳалокат расид
МегаФон Тоҷикистон мусобиқаҳои байналмилалии парапланеристонро дар Данғара дастгирӣ намуд
Дар ноҳияи Ховалинг дар 8 гектар боғи хуч бунёд карда шуд
Тоҷикистон ва Индонезия чорабиниҳои дарпешистода дар соҳаи дипломатияи обиро баррасӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
